Mario Gyotse “Milan”ga o‘tishi mumkin
Hozirda futbolchi bilan muzokaralar davom etmoqda.
“PSV” klubi yarim himoyachisi Mario Gyotse yozgi transfer oynasida jamoasini o‘zgartirishga yaqin turibdi. Futbolchida faoliyatini davom ettirish uchun bir nechta variant bor. Bu haqda jurnalist Patrik Berger o‘zining twitter sahifasida maʼlum qildi.
Manbaning xabariga ko‘ra, germaniyalik 29 yoshli pleymeykerning xizmatlariga “Benfika” va “Milan” klublari qiziqish bildirmoqda. Hozirda Gyotse bo‘yicha muzokaralarga kirishgan. Marioning “PSV” bilan amaldagi shartnomasida tovon puli 4-5 million yevroga baholangan.
Eslatib o‘tamiz, Gyotse 2020 yilda “Borussiya Dortmund”dan tekinga “PSV” futbolchisiga aylangandi. 2021/2020 yilgi mavsumda Gyotse 52 ta o‘yinda 12 ta gol urdi va 11 ta golli uzatmani amalga oshirdi.
