Mane “Bavariya” futbolchisiga aylandi
Futbolchi nemis klubi bilan 3 yillik shartnoma imzoladi.
“Liverpul” hujumchisi Sadio Mane “Bavariya” bilan 3 yillik shartnoma borasida kelishib oldi. Bu haqda jurnalist Deyv Oskop o‘zining twitter sahifasida xabar berdi.
Manbaga ko‘ra, 30 yoshli senegallik futbolchini “PSJ” va “Barselona” klublari ham o‘z safiga qo‘shib olishga harakat qilgan. Qayd etilishicha, kecha “Liverpul” va “Bavariya” muzokaralarni boshlagan va transfer narxi borasida kelishib olishgan.
Mane 2016 yilda “Sautgempton”dan 41,2 million yevro evaziga “Liverpul”ga o‘tgan edi. O‘shandan beri senegallik hujumchi 269 ta o‘yinda 120 ta gol urdi va 48 ta golli uzatmani amalga oshirdi. Sadioning amaldagi shartnomasi keyingi mavsum oxirida yakuniga yetadi.
