Jismoniy holatni qanday qilib to‘g‘ri saqlasa bo‘ladi?
Ronaldu buning yo‘lini juda yaxshi biladi.
Portugaliyalik jahon futboli yulduzi Krishtianu Ronaldu 37 yoshga to‘lgan bo‘lishiga qaramay, hali ham kuchli jismoniy holati bilan barcha ishqibozlarni hayratga solmoqda. Xo‘sh, futbolchi bunga qanday erishmoqda? Shu haqda bir nechta maʼlumotlarni taqdim etmoqchimiz.
Ronaldu kunini qanday tartibda solishni juda yaxshi biladi. Krishtianu sog‘lig‘i va sportdagi faoliyati uchun juda ko‘p miqdorda pul sarflaydi. Biroq futbolchi bu borada qancha so‘mma sarflashi maʼlum emas. Ronaldu doim harakatda. U bir kunda har xil mashqlar qiladi, velosipedda sayrga chiqadi. Hamda mushaklarning chidamliligini oshirish uchun har xil mashg‘ulotlar olib boradi.
Agar tiklanish vositalari bo‘lmaganida, Krishtianu 37 yoshida bunday muvaffaqiyatli futbolchi bo‘lishi qiyin edi. Pilates — mushaklarni cho‘zish va bo‘g‘inlarni mustahkamlaydi. Bu tanani reabilitatsiya qilishga yordam beradi.
Bir mashqdan keyin ikkinchisiga o‘tishda yuqori intensiv mashg‘ulotlar juda mashaqqatli jarayon hisoblanadi. Biroq bu juda samarali usul. Kompleks sakrash, sprint, surish kabi mashqlarni o‘z ichiga oladi. Portugaliyalik yulduz kuniga 5 mahal ovqatlanadi. Bu nonushta, ikkita tushlik va ikkita kechki ovqat. Biroq futbolchi bu vaqtda ortiqcha ovqat isteʼmol qilmaslikka harakat qiladi.
Hujumchi kuniga 8 soatlik uyquni afzal ko‘radi. Uning fikricha uyqu salomatlik garovi. Krishtianu kun davomida ham uxlashi mumkin. Ronaldu umuman spirtli ichimliklarni isteʼmol qilmaydi. Bunday ichimliklar tanaga yomon taʼsir qiladi.
Qiyin mashg‘ulotlardan so‘ng Krishtianu muzli suvda dam olishni yaxshi ko‘radi. Bu charchoqni bartaraf etishga va tanani qayta ishga tushirishga yordam beradi.
