“Liverpul” myunxenliklar bilan Mane transferi bo‘yicha kelisholmayapti
Nemis jamoasi futbolchi uchun 29 million yevro bermoqchi.
Myunxenning “Bavariya” klubi “Liverpul” hujumchi Sadio Mane uchun moliyaviy taklifini 35 million yevroga oshirishga tayyor. Bu haqda “Sky Sport Germany” nashri xabar berdi.
Manbaga ko‘ra, klublar tovon puli borasida kelishmovchiliklar tufayli futbolchining transferi borasida murosaga kelolmayapti.
Avvalroq, “Liverpul” myunxenliklar 30 yoshli senegallik futbolchi uchun taklif qilgan mablag‘dan qoniqmagani haqida xabar berilgandi. “Bavariya” 29 million yevro taklif qilgan (bonuslar bilan birga).
Eslatib o‘tamiz, Mane 2016 yilda “Sautgempton”dan 41,2 million evro evaziga “Liverpul”ga o‘tgan edi. O‘shandan beri senegallik hujumchi 269 ta o‘yinda 120 ta gol urdi va 48 ta golli uzatmani amalga oshirdi. Sadioning amaldagi klubi bilan shartnomasi keyingi mavsum oxirida yakuniga etadi. Transfermarkt maʼlumotlariga ko‘ra, uning narxi 80 mln yevroga baholanmoqda.
