“Tottenhem” Beylni sotib olmaydi
Garet “Kardiff” yoki MLSga o‘tishi mumkin.
Londonning “Tottenhem” klubi avval jamoada o‘ynagan uelslik hujumchi Garet Beylni sotib olmoqchi emas. Bu haqda “The Telegraph” nashri xabar bermoqda.
Manbaga ko‘ra, “Kardiff” 32 yoshli futbolchi uchun asosiy davogar bo‘lib, uelslik futbolchi faoliyatini MLSda ham davom ettirishi mumkin. Beyl 2007 yildan 2013 yilga qadar hamda 2020- 2021 yillar davomida “Tottenhem” sharafini himoya qilgan. Bu vaqt ichida Garet 237 uchrashuvda 72 ta gol urdi va 60 ta golli uzatmani amalga oshirdi.
Beyl ayni damda “Real”da o‘ynamoqda. Uning shartnomasi 2022 yilning 30 iyunida tugaydi va u uzaytirilmaydi.
