Bolaligida qo‘shiq kuylagan Holand nega “Siti”ni tanladi?
Futbolchi bu haqda o‘z intervyusida gapirib berdi.
Jahon futbolida ushbu yozning eng yirik transferi Erling Holandning “Manchester Siti”ga o‘tishi bo‘ldi. Yeropaning bir qator nashrlarida hujumchining birinchi intervyusi paydo bo‘ldi.
“Shaharliklar” matbuot xizmati Holand bilan 25 may kuni tibbiy ko‘rikdan o‘tayotgan paytda gaplashgan. Bu intervyu hozircha — Norvegiya terma jamoasining Millatlar ligasidagi o‘yinlari yakunlanganidan so‘ng chop etildi. Unda futbolchi aval qo‘shiqchi bo‘lgani haqida maʼlumot bor:
“Bizning guruhimiz uch kishidan iborat edik. Yoshligimizda biroz zerikishdan yoki qiziqish tufayli bir qancha qo‘shiqlar chiqarganmiz. Men “Siti”ni qaysidir darajada otam tufayli tanlaganman. Chunki, men Angliyada tug‘ilganman va butun umrim davomida “Siti”ga muxlislik qilganman. Men klub haqida ko‘p narsani bilaman. Bu yerda o‘zimni uydagidek his qilaman va o‘zimni rivojlana olaman deb o‘ylayman. “Shaharliklar” uslubi yoqadi. Aks holda bu yerga kelmasdim. Menga hujumkor futbol va “Siti”ning ijobiy xarakteri yoqadi".
Holand hozircha barcha surat va videolarda raqamsiz “Siti” libosida suratga tushdi. “The Athletic” xabariga ko‘ra, hujumchi o‘z formasida to‘qqizinchi raqamga ega bo‘lishni xohlaydi. U hozirda Norvegiya terma jamoasida va avval “Borussiya”da ham shu raqamda o‘ynagan. Gabriyel Jezus ayni damda shu raqamda to‘p suryapti. U yozda Manchesterni tark etishi mumkin. Braziliyalik futbolchiga asosiy daʼvogarlardan biri “Arsenal” bo‘lib, unga shaxsan Mikel Arteta qiziqish bildirmoqda. Gabriyelning shartnomasi tugashiga bir yil qoldi. Agar u klubda qolsa, Holand 15-raqamni egallashi mumkin.
