Bugun tunda "sayyoralar paradi" kuzatiladi
Bir vaqtning o‘zida 5 ta sayyora ufqda saf tortadi.
Bugun, 23-iyundan 24-iyunga o‘tar kechasi yer yuzi aholisi “sayyoralar paradi”ni tomosha qilishlari mumkin.
Bu yerliklar uchun 18 yil ichida sayyoralar paradini kuzatish imkoniyatidir.
Bir vaqtning o‘zida beshta sayyora - Merkuriy, Venera, Mars, Yupiter va Saturn ufqda saf tortadi.
Keyingi bunday parad faqat 2040-yilda kutilmoqda.
Maʼlumot o‘rnida, sayyoralar paradi bu noyob astronomik hodisalardan biri bo‘lib, bunda 2 va undan ortiq sayyoralar bir to‘g‘ri chiziqda yoki bir-biriga yaqin burchak masofada joylashadi. Sayyoralar paradi ikki guruhga bo‘linadi. Birinchi guruh kichik sayyoralar paradi deb ataladi va unda 5 tagacha sayyoralar qatnashadi. Kichik sayyoralar paradi bir yilda bir marta sodir bo‘lishi mumkin.
