Dunyoda koronavirusdan vafot etganlar soni 2020 yil yozi darajasiga qaytdi
Iyun oyida Yevropada koronavirus bilan kasallanganlar soni uch baravar oshdi.
Bu haqda Jahon sog‘liqni saqlash tashkiloti (JSST) Yevropa mintaqaviy byurosi direktori Xans Kluge maʼlum qildi.
«JSST bu yozda COVID-19 epidemiyasi Yevropa mamlakatlarida kuchayishini prognoz qilmoqda. Tashkilot maʼlumotlariga ko‘ra, Yevropa mintaqasining 53 davlatida har kuni 500 mingga yaqin koronavirus infeksiyasi yuqtirish holatlari qayd etiladi. Kundalik o‘lim darajasi 2020 yilning yozi darajasida – kuniga 500 ga yaqin odam nobud bo‘lmoqda», — deyiladi koronavirus tarqalishining oldini olish bo‘yicha idoralararo komissiyasi bayonotida.
Shuningdek, COVID-19 tarqalishining oldini olish uchun JSST o‘z vaqtida emlashni, jamoat joylarida niqob taqishni va kasallik belgilari bo‘lgan odamlarni izolyatsiya qilishni talab qiladi.
