Krishtianu “Manchester Yunаyted”ni tark etadi
Klub futbolchi bilan kelishib oldi.
“Manchester Yunayted” hujumchi Krishtianu Ronaldu yozda jamoani tark etishi borasida kelishib oldi. Bu haqda “Тhе Sun ” nashri xabar berdi.
Manbaning yozishicha, “Manchester Yunayted” rahbariyati Ronalduni uni klubda ushlab tura olmasligini anglab yetgan va uzoq davom etgan mojarodan qochishni istamoqda. "Manchester Yunayted" bosh murabbiyi Erik ten Xag klub rahbariyati bilan suhbatdan so‘ng klub kelajagini Ronaldusiz rejalashtirishi kerakligini tushundi.
Avvalroq, 5 iyul kuni Ronaldu yana “Manchester Yunayted” mashg‘ulotlariga kelmagani, buni oilaviy sharoit bilan izohlagani xabar qilingandi. Dastlab Krishtianu jamoaga 4 iyul kuni kelib qo‘shilishi kerak edi, biroq bir necha kundan buyon u Portugaliyadagi mashg‘ulotlar bazasida yakka tartibda mashg‘ulotlarni davom ettirmoqda.
