"Manchester Yunayted"dan yangicha yondashuv
Klub boshlanayotgan mavsum uchun uy libosini taqdim etdi.
"Manchester Yunayted" 2022/2023 yilgi mavsum uchun yangi uy libosini taqdim etdi.
Libosning ajralib turadigan elementlaridan biri bu naqshli polo yoqasi. Bu "Manchester Yunayted" o‘z tarixidagi muhim daqiqalarda o‘ynagan baʼzi liboslar dizaynini eslatadi.
Yangi to‘plamdagi futbolka butunlay qayta ishlangan materiallardan tayyorlangan. U “Yunayted”ning uy libosi uchun anʼanaviy qizil rangda tayyorlangan. Yelkada uchta qora chiziq bor.
Futbolchilar ilk bor mavsumoldi tur doirasida Bangkokda “Liverpul”ga qarshi o‘rtoqlik uchrashuvida yangi formada maydonga tushishadi.
Eslatib o‘tamiz, "Manchester Yunayted" 7 avgust kuni “Brayton”ga qarshi APLning yangi mavsumidagi ilk uchrashuvini o‘tkazadi.
