Dibala “Roma” bilan shartnoma imzolaydi
Mourinyo futbolchiga qo‘ng‘iroq qildi.
Argentinalik hujumchi Paulo Dibala “Roma” bilan shartnoma imzolaydi. Bu haqda italiyalik jurnalist Fabritsio Romano xabar bermoqda.
Qayd etilishicha, argentinalik futbolchi 2025 yilning yoziga qadar shartnoma imzolaydi. Futbolchining transferida asosiy omil “Roma” bosh murabbiyi, portugaliyalik Joze Mourinyo bo‘ldi, u futbolchiga qo‘ng‘iroq qilib, o‘zining rejalari haqida gapirdi. Barcha hujjatlar tayyorlanmoqda.
Turinning “Yuventus” klubi bilan shartnomani uzaytirish borasida kelisha olmayotgan edi.
Eslatib o‘tamiz, 2015 yildan buyon Dibala “Yuventus”da o‘ynab kelayotgan edi. U bu vaqt davomida 293 ta o‘yinda 115 ta gol urdi va 48 ta golli uzatmani amalga oshirdi.
Oldinroq futbolchiga “Inter”, “Napoli” hamda Angliyaning bir qancha klublari qiziqish bildirayotgani haqida xabarlar tarqalgan edi.
