UFC matbuot anjumanida 100 ga yaqin odam mushtlashib ketdi
Shu sababli tadbir bekor qilindi.
Jang UFC jangchilari Hamzat Chimayev, Neyt Diaz hamda Kevin Holand o‘rtasida kelib chiqqani aytilmoqda. Shundan keyin matbuot anjumani bekor qilingan. Bunaqasi esa tarixda birinchi bor ro‘y berishi. Bu haqda promoushn prezidenti Dena Uayt maʼlum qildi.
Maʼlumotga ko‘ra, sahna ortida jangchilar o‘rtasida mushtlashuv ro‘y bergan. Janjalni Hamzat Chimayev boshlagan. U qandaydir eski tushunmovchiliklar uchun boshqa jang ishtirokchisi Kevin Holandga tashlanib qolgan va unga oyog‘i bilan zarba bergan. Vaziyatga Hamzatning bo‘lajak raqibi Neyt Diazning aralashishi janjalni yuzaga keltirgan.
Hamzat voqeadan keyin munosabat bildirdi: “Aytgandim biz bilan o‘ynashmalaring deb, Kevin ham, Neyt ham o‘ziga tegishlisini qabul qilib olishdi”, — degan Chimayev.
Maʼlum bo‘lishicha, janjal juda kattalashib ketib, unda 100 ga yaqin odam ishtirok etgan.
UFC hozircha jarayon tafsiloti va videolarini oshkor qilmayapti. Sababi, bu Nevada atletik komissiyasi tomonidan boshqacha talqin qilinib turnir bekor qilinishiga olib kelishi mumkin.
