"Energiya taʼminoti “qo‘l boshqaruvi” orqali emas, tizim asosida ishlashi kerak"

 

Viloyat hokimlariga o‘n kun muddatda ushbu obyektlarga birma-bir borib ko‘rib, sharoit va aholiga xizmat sifatini yaxshilash, energiya sarfi va yo‘qotishlarni kamaytirish bo‘yicha taklif berish topshirildi.

 

Bugundan boshlab hokimlar, sektor rahbarlari hamma kuchini safarbar qilib, sharoit og‘ir mahallalarda odamlarni rozi qilish bilan shug‘ullanishi kerakligi taʼkidlandi.

 

Bosh prokuratura, IIV, DXX, Milliya gvardiya, Energetika vazirligiga noqonuniy ulanishlar, o‘g‘irliklar bo‘yicha nazoratni kuchaytirish topshirildi.

 

“Umuman, energiya resurslari taʼminotidagi bugungi vaziyat tarmoq va hudud rahbarlari uchun katta saboq bo‘lishi lozim.

Energiya taʼminoti “qo‘l boshqaruvi” orqali emas, tizim asosida ishlashi kerak”, - dedi davlatimiz rahbari.

 

Ikki oy muddatda energiya taʼminoti tizimini o‘zgartirish, yangi talablarga moslashtirish bo‘yicha qaror loyihasini kiritish vazifasi qo‘yildi.

 

Ai-80 markali benzin narxini tushirish uchun 1 martgacha joriy etilgan aksiz solig‘idan ozod qilish imtiyozi joylarda “o‘yinga aylanib ketmasligi” kerakligi qatʼiy ko‘rsatib o‘tildi.

 

Bosh prokuratura va Monopoliya qo‘mitasiga viloyat hokimlari bilan birga:

 

• birja savdolarida va yoqilg‘i quyish shoxobchalarida benzin narxining sunʼiy oshib ketishining oldini olish choralarini doimiy ko‘rib borish;
   

• suyultirilgan gaz va ko‘mirni aholiga o‘z vaqtida yetkazib berish ustidan qatʼiy nazorat o‘rnatish topshirildi.

“Kuni-kecha Uchtepani aylanib, pastdagi ahvol bo‘yicha xulosalarimni qildim.

Ichki ko‘chalar, uy-joylar oldi tozaligini ham sizlarga Prezident aytishi kerak-mi?” — Shavkat Mirziyoyev.