IIV: Is gazi qurbonlari 150 nafarga yetdi
Vazirlik yoqilg‘idan foydalanishda xavfsizlik qoidalariga rioya etishni so‘ramoqda.
Joriy yil boshidan buyon O‘zbekistonda 90 dan ortiq is gazidan zaharlanish holati qayd etilgan. Bu haqda IIV matbuot xizmati xabar berdi.
Departamentda qayd etilganidek, buning oqibatida 146 nafar o‘zbekistonlik halok bo‘lgan, yana 50 nafar vatandoshimiz jarohatlangan.
Ichki ishlar vazirligi ko‘mir, o‘tin, neft mahsulotlari va boshqa turdagi yoqilg‘idan foydalanishda xavfsizlik qoidalariga qatʼiy rioya qilishga chaqirgan. Nostandart yoki sertifikatlanmagan isitgich va pechlardan foydalanmang, deyiladi xabarda.
