Popda yuk mashinasi portlab ketgani aytildi
YHXB hodisa sababini ma’lum qildi.
Ijtimoiy tarmoqda Namangan viloyatining Pop tumanida yuk mashinasi portlab ketgani aytilgan xabarlar tarqaldi. Holat yuzasidan viloyat YHXB ma’lumot berdi.
Qayd etilishicha Toshkent-O‘sh avtomobil yo‘lining 272-kilometrida harakatlanib ketayotgan yuk mashinasining tormoz qismida yuzaga kelgan nosozlik tufayli yong‘in kelib chiqqan. Yong‘in FVB va Qamchiq maxsus qidiruv qutqaruvchilari tomonidan bartaraf etilmoqda.
Yong‘in sodir bo‘lgan hudud atrofida IIO va YHXB xodimlari tomonidan jamoat xavfsizligi ta’minlanmoqda.
Hozirda sodir bo‘lgan yong‘in yuzasidan tergovga qadar surishtiruv ishlari olib borilmoqda.
