Namangandan Rossiya shaharlariga hamyonbop yo‘nalishlar ochiladi
Bu haqda viloyat hokimligi maʼlum qildi.
27-martdan boshlab Namangan-Orenburg-Namangan yo‘nalishi bo‘yicha parvozlar tiklanadi. Muntazam to‘g‘ridan-to‘g‘ri aviaqatnovlar haftada bir marta dushanba kunlari amalga oshiriladi.
31-martdan boshlab Uzbekistan Airways haftada bir marta, juma kunlari Namangan-Nijnevartovsk-Namangan yo‘nalishi bo‘yicha yangi yo‘nalishni yo‘lga qo‘yadi.
Ushbu aviaqatnovlar aviakompaniyaning kam byudjetli yo‘lovchi aviatashuvchisi hisoblangan – Uzbekistan Airways Express brendi ostida amalga oshirilib, yo‘lovchilar uchun hamyonbop narxdagi aviachiptalarni taqdim etadi.
