Vodiyda “zapravkalar” yana yopiladimi?
Vazirlik ijtimoiy tarmoqda tarqalgan xabarlarga izoh berdi.
Ijtimoiy tarmoqlarda vodiy viloyatlaridagi avtomobillarga gaz to‘ldirish kompressor shoxobchalari faoliyati vaqtincha to‘xtatilishi haqida xabarlar tarqaldi. Holat yuzasidan Energetika vazirligi rasmiy maʼlumot berdi.
Maʼlum qilinishicha, ushbu xabarlar hech qanday asosga ega emas. Respublika bo‘yicha, xususan, vodiy viloyatlaridagi AGTKSHlari faoliyati mahalliy hokimliklar bilan kelishilgan jadvallarga asosan davom etadi.
“O‘z navbatida, ijtimoiy tarmoq vakillaridan bu kabi asossiz va tasdiqlanmagan xabarlarni tarqatmasliklarini so‘raymiz”, — deyiladi xabarda.
