Namanganda 80 metrli lavash tayyorlandi
U Navro‘z sayli ishtirokchilariga tarqatilgan.
Namangan shahrining Davlatobod tumanida joylashgan “Afsonalar vodiysi” tematik parkida 80 metrli mega lavash tayyorlandi. Bu haqda viloyat hokimligi matbuot xizmati xabar bermoqda.
100 dan ortiq oshpaz mehnati bilan tayyorlangan mega lavash Navro‘z sayli mehmonlariga ulashilgan.
mega lavash uchun 80 kg go‘sht, 40 kg pomidor va bodring, 15 kg qovurilgan kartoshka (chipslar), 20 litr sous hamda boshqa mahsulotlar ishlatilgan.
Maʼlumot uchun, bundan avval Toshkent shahrida 31,5 metrli mega lavash tayyorlangandi.
