Namanganda “Raqamli avlod qizlari–2023” tadbiri o‘tkazildi
Unda 72 nafar ishtirokchi qatnashgan.
“Zamin” fondi va “Digital Generation Uzbekistan” “Zamin Education” loyihasi doirasida “Raqamli avlod qizlari–2023” respublika inklyuziv IT-oromgohini o‘tkazdi.
Tadbirda 72 nafar qiz ishtirok etdi. Ular uch kun davomida grafik va raqamli dizayn, veb-dasturlash bo‘yicha bilimlarini oshirdi va tanlov dasturlarida qatnashdi. Shundan so‘ng o‘z loyihalarini tanlovga taqdim etishdi.
IT-oromgoh ishtirokchilari mehmonlarga o‘z natijalari va yangi loyihalari haqida hikoya qilib berdi.
Tanlovning “Digital art” yo‘nalishida 46-sonli ixtisoslashtirilgan maktabdan qatnashgan Usmonova Malika g‘olib bo‘ldi.
