Vazirlik "Madaniyat va maʼrifat" telekanali o‘zlashtirilayotganini tasdiqladi
Ushbu telekanal barcha xodimlari bilan Madaniyat va turizm vazirligiga o‘tkazilib, nomi “Karvon” deb atalishi ziyolilar tomonidan ko‘plab muhokamalarga sabab bo‘ldi.
Taklif etilgan loyihaga ko‘ra, yuqoridagi telekanal vazirlik tasarrufiga olinadi. Uning mazmuni saqlanib qolishi aytilgan, shu bilan birga ko‘ngilochar dasturlar ham qo‘shiladi.
Ijtimoiy tarmoq foydalanuvchilari, ayniqsa, ziyoli qatlam vakillari bunga astoydil qarshi chiqqan. Ayrim fikrlarga ko‘ra, turizmni rivojlantirish maqsad bo‘lsa, "Dunyo bo‘ylab" kanalini o‘zlashtirish mumkinligi aytilgan.
Hatto tarmoqda "Madaniyat va maʼrifat" telekanali yopilishiga qarshiman!" nomli chellenj ham boshlangan.
Bugun vazir Ozodbek Nazarbekov ushbu muhokamalarga munosabat bildirarkan, telekanal o‘zlashtirilayotganini inkor etmagan. Aksincha, uni rivojlantirishda ziyolilarni hamkorlikka chaqirgan.
