Namanganda nomaʼlum erkak talaba qizga onasini o‘ldirish bilan tahdid qildi
Otasi chet elga ishlashgani ketgan talaba qizning maʼlum qilishicha, u notanish shaxs tomonidan doimiy ravishda telefon orqali qo‘rqitib kelingan.
Otasi chet davlatiga ishlash uchun ketgan talaba qizning maʼlum qilishicha, uni taʼqib qilgan bezori yigit hattoki onasini o‘ldirish bilan qo‘rqitgan.
Voqea tafsilotlariga ko‘ra, Namangan viloyati Chortoq tumanida yashovchi talaba qiz nomaʼlum bir shaxs tomonidan doimiy ravishda telefon orqali qo‘rqitib bezovta qilinayotgani bo‘yicha Oliy Majlisning Inson huquqlari vakili (ombudsman) ishonch telefoniga murojaat qilgan. Otasi chet davlatiga ishlash uchun ketgan murojaatchi qizning Ombudsmanga yozishicha, yigit uni va dugonalarini ko‘p bora bezovta qilgan, hattoki, onasini o‘ldirish bilan ham qo‘rqitgan.
Mazkur murojaat zudlik bilan Ombudsmanning Namangan viloyatidagi mintaqaviy vakiliga yuborilib, Chortoq tumani Ichki ishlar bo‘limi xodimlari bilan birgalikda ko‘rib chiqildi.
Olib borilgan o‘rganishlar davomida, murojaatchini qo‘rqitib kelgan shaxs shu tumanda yashovchi, 1991 yilda tug‘ilgan A.O.ekanligi aniqlanib, unga nisbatan tegishli hujjatlar rasmiylashtirildi va ish sudga oshirildi.
2023 yil aprel oyidagi Jinoyat ishlar bo‘yicha Chortoq tuman sudining tegishli hukmiga ko‘ra, 1991 yilda tug‘ilgan A.O.ga nisbatan Jinoyat kodeksining 41-moddasi qo‘llanilib, unga eng kam oylik ish haqining 5 barobari miqdorida jarima jazosi tayinlandi.
Shuningdek, aybdor A.O. dan murojaatchi qizni qayta bezovta qilmasligi to‘g‘risida tilxat olindi.
