Namanganda reklama banneri bir kishini bosib qoldi
Holat bo‘yicha BP maʼlumot berdi.
Ijtimoiy tarmoqlarda Namangan shahridagi katta reklama banneri mashina ustiga qulab tushgani va transport vositasi ichida odamlar bo‘lgani aytilgan videolar tarqaldi. Holat yuzasidan Bosh prokuratura matbuot kotibi Hayot Shamsutdinov maʼlumot berdi.
Qayd etilishicha, 1-may kuni Namangan shahrida joylashgan reklama banneri fundamentidan o‘pirilib, yerga tushishi oqibatida bir nafar shaxs — 1997-yilda tug‘ilgan erkak tan jarohati olgan va joyida hushini yo‘qotgan.
Shundan so‘ng yon atrofda bo‘lgan fuqarolarning ko‘magida jabrlangan shaxs darhol shifoxonaga olib ketilgan.
Hozirda mazkur holat yuzasidan tekshirish harakatlari olib borilmoqda.
