Bugun 2 nafar o‘zbekistonlik bokschi ringga ko‘tariladi
Ayni kunlarda poytaxtimizda boks bo‘yicha jahon chempionati bo‘lib o‘tmoqda.
O‘zbekiston mezbonligida o‘tayotgan boks bo‘yicha jahon chempionatining uchinchi kungi bahslari 3 may, chorshanba kuni o‘tkaziladi.
Bugun o‘zbekistonlik ikki nafar bokschi ringga ko‘tariladi. Kunduzgi bahslar 13:00 da, kechki dastur esa 18:00 da start oladi.
-71 kg: Saidjamshid Jaʼfarov – Osorio Muxanga (Mozambik), (16:10 dan so‘ng);
-60 kg: Mujibillo Tursunov – Merri Kor (Gambiya), (18:25 dan so‘ng).
Mujibillo Tursunov dastlabki bosqichda hindistonlik raqibini mag‘lubiyatga uchratgandi. Shuningdek, Jasurbek Yo‘ldoshev, Ruslan Abdullayev va Shohjahon Abdullayev o‘z janglarini g‘alaba bilan yakunlab, keyingi bosqich masalasini hal qilgandi.
