Mirziyoyev Ozarbayjonda. Prezident Shahidlar xiyoboniga tashrif buyurdi
Shavkat Mirziyoyevga rafiqasi Ziroat Mirziyoyeva hamrohlik qilmoqda.
Ozarbayjon Respublikasida davlat tashrifi bilan bo‘lib turgan O‘zbekiston Respublikasi Prezidenti Shavkat Mirziyoyev rafiqasi Ziroatxon Mirziyoyev bilan “Shahidlar” xiyobonini ziyorat qildi.
Oliy martabali mehmon sharafiga faxriy qorovul saf tortdi. Prezident Shavkat Mirziyoyev “Mangu alanga” yodgorligi poyiga gul qo‘ydi.
O‘zbekiston Prezidentiga “Shahidlar xiyoboni” tarixi, Boku shahrida amalga oshirilayotgan qurilish va obodonlashtirish ishlari haqida maʼlumot berildi.
Shavkat Mirziyoyev rafiqasi Ziroatxon Mirziyoyeva bilan birga Faxriy xiyobonga tashrif buyurib, Ozarbayjon yetakchisi Haydar Aliyev xotirasiga hurmat bajo keltirdi. Shavkat Mirziyoyev Haydar Aliyev haykali poyiga gul qo‘ydi.
Shuningdek, olim-oftalmolog akademik Zarifa Aliyeva, atoqli davlat arbobi Aziz Aliyev va taniqli shifokor-olim Tamerlan Aliyevlar qabriga ham gullar qo‘yildi.
