Pogba futboldan to'rt yilga chetlatiladimi?
Yarim himoyachi doping testidan muvaffaqiyatli o'tmagan.
"Yuventus" yarim himoyachisi Pol Pogba doping testdan o'tdi. Uning qonida testosteron darajasi oshgani qayd etildi. Fransiyalik futbolchini endi 4 yillik diskvalifikatsiya kutmoqda. Ayni vaqtda Pogba chempionatning ikkita o'yinida maydonga tushgan.
"AdnKronos" nashrining xabariga ko'ra, hozirda "Yuventus" yarim himoyachini ehtiyot chorasi sifatida futboldan chetlatmoqda. Joriy mavsumda Pogba bor yo'g'i ikki marta - "Empoli" (2:0) va "Bolonya" (1:1) bilan o'ynadi va birorta ham gol urolmadi. Futbolchida yana tahlil natijalari uchun so'rov yuborish uchun uch kun bor. Agar Pogbaning qonida testosteron darajasi oshgani tasdiqlansa, futbolchi Italiya Milliy antidoping qo'mitasining qarorini kutishi kerak bo'ladi.
Qonunga ko'ra, Pol Italiyada doping iste'mol qilgani uchun ikki yilgacha diskvalifikatsiya qilinishi mumkin. Agar taqiqlangan yoki ogohlantiruvchi moddalar qasddan olinganligi isbotlansa, yana to'rt yil qo'shiladi.
Hozir fransuz futbolchisi 30 yoshda, faoliyati esa pasayishda davom etmoqda. Agar jazo qo'llanilsa nima bo'ladi? U faoliyatini yakunlaydimi? Pogba eng ko'p maosh oladigan "Yuventus" futbolchisi hisoblanadi. Yarim himoyachi yiliga 8 million yevroga yaqin maosh oladi.
"L'Equipe" nashrining yozishicha, 2015-yilda dunyo bo‘ylab 12 ta mustaqil laboratoriya professional futbolchilarning qon namunalarini tekshirgan. 2008-yildan 2013-yilgacha 900 nafar futbolchidan olingan 4 mingta namuna tahlil qilingan. 68 ta holatda testosteron darajasining oshishi aniqlangan. Tadqiqot natijalariga ko'ra, olimlar bu tabiiy sabablarga ko'ra ham, maxsus dorilarni qo'llash tufayli ham sodir bo'lishi mumkin degan xulosaga kelishgan.Pogbaning testosteron darajasi necha marta oshgani hozircha noma'lum.
