AQShda Messi uchun stadion qurilyaptimi?
Arena uchun 1 milliard dollar ajratilgan.
"Inter Mayami" 2025-yilda ochiladigan yangi "Mayami Freedom Park" stadionini qurmoqda.
Mayami aeroporti yaqinida 25 ming o'rinli arena paydo bo'ladi. Jamoa hozirda shahar markazidan 50 kilometr uzoqlikdagi Fort-Loderdeylda joylashgan 21 000 o'rindiqli "Drive Pink" stadionida o'ynamoqda.
"Mayami Freedom Park" nafaqat stadion, balki zamonaviy texnologik markaz bo'ladi. Yaqin atrofda deyarli 235 ming m² maydonga ega jamoat parki quriladi. Bu shahar aholisi uchun sport va ko'ngilochar maskanlarga ega Mayamidagi eng yirik dam olish joyi bo'ladi. Stadion majmuaning 10% dan kamroq qismini egallaydi.
Arena sobiq golf klubi joylashgan hududda paydo bo'ladi. "Inter Mayami" stadion qurilishiga ruxsat olish uchun uzoq vaqt kutishiga to'g'ri keldi.
"To'rt yil ichida biz Qo'shma Shtatlarda futbolga bo'lgan qarashlarni o'zgartirdik", - deydi "Inter Mayami" egasi Xorxe Mas. “Mayami Ozodlik Parki"ni yaratish orqali biz sport inshootlari qanday bo'lishi mumkinligi haqida yangi standart o'rnatamiz. Stadion yonida 750 o'rinli uchta mehmonxona, ofislar, do'konlar va restoranlar quriladi. Shuningdek, ko'ngilochar hamda diqqatga sazovor joylar paydo bo'ladi".
Yangi arena va obodonlashtirish ishlari taxminan 1 milliard dollarga tushadi. Qurilish xususiy tashkilotlar hisobidan moliyalashtiriladi.
Hozirgi kunda qurilish ishlari olib borilmoqda. Rasmiy poydevor qo‘yish marosimi yaqin kunlarda bo‘lib o‘tadi.
