De Xea faoliyatini Turkiyada davom ettirishi mumkin
Erkin agent hisoblangan ispaniyalik darvozabon klub izlashda davom etmoqda.
Xabarlarga ko'ra, De Xea xizmatlariga Turkiya Superligasining bir qancha klublari qiziqish bildirmoqda. Ispaniyalik darvozabonga qiziqayotgan jamoalar nomi oshkor etilmagan.
Oldinroq ispaniyalik darvozabon nomzodiga “Al-Nasr” qiziqish bildirayotgani haqida xabar berilgandi.
2022/2023-yilgi mavsumda David de Xea "Manchester Yunayted" safida barcha musobaqalarda 58 ta o'yin o'tkazdi. Futbolchining “qizil iblislar” bilan shartnomasi shu yilning iyun oyi oxirida yakuniga yetgan. Shundan so'ng, tomonlar kelishuvni uzaytirmaslikka qaror qilishdi.
