FIFA Rossiya yoshlar jamoalarining turnirlarda ishtirok etishiga ruxsat berdi
FIFA matbuot xizmati xabariga ko‘ra, tegishli qaror UEFAning xuddi shunday qadami ortidan qabul qilingan.
Xalqaro futbol federatsiyasi Rossiya o‘smirlar va yoshlar jamoalarining tashkilot shafeligidagi musobaqalarda ishtirok etishiga qo‘yilgan taqiqni bekor qildi.
26-sentabr kuni UEFA 17 yoshgacha futbolchilari bo‘lgan Rossiya jamoalariga o‘z musobaqalarida neytral bayroq ostida va Rossiya madhiyasi yangramasdan yana ishtirok etishiga ruxsat berilishini e’lon qilgandi. FIFA rossiyalik o‘smirlarning qaytishi uchun ham xuddi shunday shartlarni ilgari surgan.
Ma’lumot uchun, 2022-yil 24-fevralda Rossiyaning Ukrainaga qarshi boshlangan harbiy harakatlar fonida Rossiyaning professional sportchilari bir qator yo‘nalishlar bo‘yicha xalqaro musobaqalarda ishtirok etishdan chetlashtirilgandi.
