Mbappega nima bo'lyapti?
Hujumchi oxirgi to'rt o'yindan beri gol urolgani yo'q.
"PSJ" Fransiya chempionatining so'nggi turida mehmonda "Renn"ni mag‘lub etdi (3:1). Vitinya, Hakimi va Kolo-Muani gol urishdi. Mbappe ham ular orasida bo'lishi mumkin edi, ammo Kilian tushunarsiz tarzda harakat qildi.
Parijlik to'purari darvozabon bilan yakkama-yakka chiqidi biroq vaziyatdan foydalana olmadi.
Mbappe ketma-ket to'rtta o'yinda gol ura olmayapti. "Renn"ga qadar u "Nyukasl", "Klermon" va "Marsel"ga qarshi o'yinlarda gollarga mualliflik qilmadi. Bu 2021-yilning kuzidan beri eng quruq seriya. O'shanda hujumchi olti o'yinda gol ura olmagan. Seriya bir oy davom etib, "Bryugge", "Lion", "Mets", "Monpellier", "Man Sity" va "Renn" bilan o'yinlarda davom etgan.
"PSJ" bosh murabbiyi Luis Enrike "Renn" bilan o'tadigan o'yinda Kilianga dalda berdi.
"Esimda, ikki-uch hafta oldin, xuddi shu xonada ko'pchilik mendan Kilianning o'yini sizning taktikangiz ta'sir qiladimi deb so'rashgandi. Chunki, u yetti yoki sakkizta gol urdi. Endi siz mendan Kilian nima qilishi kerakligini so'rayapsiz, chunki u oxirgi o'yinlarda gol ura olmayapti. Biz bu borada normalroq bo'lishimiz kerak. U hammasiga 100% tayyor. O'yinchilar mavsum davomida turli holatlardan o'tishadi. U sakkizta gol urganida supermenga aylanmaydi, gol urmasa ham o'rtacha futbolchi bo'lib qolmaydi. Kilian biz uchun muhim va hal qiluvchi futbolchi. Murabbiy sifatida mening maqsadim - uning kuchli tomonlarini namoyish etish va uning zaif tomonlarini yopish", - dedi Enrike.
