"Inter Mayami" "Barsa" futbolchisini sotib olmoqchi
Klub Robertoga qiziqish bildirmoqda.
"Inter Mayami" "Barselona" himoyachisi Sergi Robertoni o'z safiga qo'shib olmoqchi.
Xabarlarga ko'ra, futbolchi yanvarda kataloniyaliklar klubini tark etishi mumkin. "Inter Mayami" o'z jamoasiga ispaniyalik futbolchini qo'shib olmoqchi va uni sotib olish imkoniyatlarini o'rganmoqda.
Eslatib o'tamiz, Robertoning sobiq jamoadoshlari Amerikaning "Inter Mayami" jamoasida to'p suradi. Bular, Lionel Messi, Buskets va Alba.
Joriy mavsumda Serxi Roberto "Barselona" safida barcha musobaqalarda oltita o'yinda ishtirok etdi. Umuman olganda, himoyachi Kataloniya jamoasi libosida 355 ta o‘yin o‘tkazib, 17 ta gol urgan va 40 ta golli uzatmani amalga oshirgan.
