"Islomni ertaroq nokaut qilish asosiy maqsadim"
Volkanovski Maxachevga qarshi o'tadigan jang haqida gapirdi.
Aleksandr Volkanovski yengil vaznda UFC chempioni Islam Maxachevga qarshi kechadigan jangi uchun rejalarini oshkor qildi. Avstraliyalik chempion jangni imkon qadar tezroq yakunlash uchun harakat qilishini aytdi.
"Shubhasiz, bu dahshatli jang bo‘ladi. Men oktagonga chiqaman va hammani hayron qoldiraman. Jangning to‘liq besh raund davom etmasligi uchun harakat qilaman. Islomni ertaroq nokaut qilish asosiy maqsadim. Meni to‘g‘ri tushunasizlar degan umiddaman. Bu ishni chiroyli va tezroq amalga oshirishni istayman. Bo‘lajak oqshomdagi eng xavfli inson men bo‘laman. Ham jismonan, ham ruhan bu to'qnashuvga tayyorman. Maqsadim - nokaut!", - dedi Aleksandr.
Eslatib o‘tamiz, Aleks Volkanovski uchun bu revansh jangi bo‘ladi. U shu yilning fevral oyida Avstraliyaning Pert shahrida o‘tkazilgan UFC 284 turnirida Maxachevga ochkolar hisobiga ko‘ra imkoniyatni boy berib qo‘ygan edi.
