O‘zbekistonda sumo federatsiyasi rasman ro‘yxatdan o‘tdi
Federatsiya raisi etib Kamol Usmonov saylangan.
O‘zbekistonda rasman sumo federatsiyasi ochildi. Mazkur federatsiya joriy yilning 12-oktabr kuni adliya vazirligida ro‘yxatdan o‘tgan. Bu haqda federatsiya raisi etib saylangan Kamol Usmonov ma’lum qildi.
Federatsiya O‘zbekistonda sumo sportini rivojlantirish va ommalashtirish, sumo sporti bilan shug‘ullanuvchilarni, ayniqsa, yoshlarni har tomonlama qo‘llab-quvvatlash, sumo sport turlari bo‘yicha tadbirlarni o‘tkazish, xalqaro sport aloqalarini kengaytirish hamda o‘z a’zolarining huquqlari va qonuniy manfaatlarini ifodalash va himoya qilishni maqsad qiladi.
Eslatib o‘tamiz, O‘zbekistondagi ilk sumo sportchisi sifatida Durdona Abdujabbarova qayd etilgan.
