Finallar o'yinchisi
Anxel Di Mariya Argentina terma jamoasidagi faoliyatini yakunlaydi.
Argentina terma jamoasi a'zosi, Anxel Di Mariya tez orada terma jamoadagi faoliyatini yakunlashini aytdi. Anxel jamoadagi so'nggi o'yinlardan keyin mana shunday qarorga kelgan. Xo'sh, bugungi kunga qadar Di Mariya Argentina terma jamoasida qanday yutuqlarga erishdi?
Yoshlar o'rtasida Olimpiya va jahon chempioni
Di Mariya Argentina terma jamoasida 2008-yilda debyut qilgan. Bungacha yoshlar terma jamoasi bilan jahon chempioni (2007) va Olimpiya chempioni (2008) bo'lgan.
Amerika kubogi
2021-yilda Anxel milliy terma jamoa bilan birinchi yirik turnirda g'alaba qozondi. Amerika Kubogi finalida argentinaliklar 22-daqiqada Di Mariyaning goli evaziga braziliyaliklarni mag'lub etishgandi. Shu tariqa futbolchi jamoa g'alabasiga ulkan hissa qo'shadi.
Finalissima
2022-yilda Di Mariya Amerika kubogi g'olibi va Yevropa chempioni bahs olib borgan yangi turnir - Finalissima g'olibiga aylandi. Mazkur to'qnashuvda argentinaliklar italiyaliklarni 3:0 hisobida mag'lub etishgandi. Anxel esa gollardan biriga mualliflik qilgan.
Jahon chempionati
2022-yilda Di Mariya birinchi marta jahon chempioni bo'ldi. Finalda argentinaliklar fransuzlarni 3:3 (4:2 penalti) hisobida mag‘lub etishdi. Jahon chempionati finalida ham Anxel gollardan birini o'z nomiga yozdirib qo'yishga muvaffaq bo'ladi.
Noyob rekord
Anxel Di Mariya qit'a chempionati, jahon chempionati va Olimpiada o'yinlari finalida gol urgan tarixdagi yagona futbolchi hisoblanadi.
Statistika
Anxel Argentina terma jamoasi safida 134 ta o‘yin o‘tkazib, 29 ta gol urgan va 29 ta golli uzatmani amalga oshirgan.
