Karim Benzema Fransiya ichki ishlar vazirini sudga berishi mumkin
Vazir futbolchini terrorchilar bilan aloqasi borligini aytgandi.
"Al Ittihod"ning fransiyalik hujumchisi Yaqin Sharqdagi mojaro haqida gapirgandi: "Biz ayollar va bolalar jabrlanayotgan, nohaq portlashlar qurboni bo‘layotgan Gʻazo xalqi uchun yana duo qilamiz".
Shundan so‘ng Fransiya ichki ishlar vaziri Jerald Darmanen Karimning terrorchilar bilan aloqasi borligini ma’lum qildi: "Bilishimizcha, Benzema "Musulmon-birodarlar" tashkiloti bilan aloqador".
Fransiyalik futbolchi o‘zining advokati Hyuga Vijye orqali tashkilotga aloqasi yo‘qligini aytdi va vazirni sudga murojaat qilishi bilan tahdid qildi.
"Bu yolg‘on! Benzemaning bu tashkilot bilan zarracha aloqasi bo‘lmagan. Biz bu vazirga nisbatan axborotni manipulyasiya qilish to‘g‘risidagi qonun doirasida sudga da’vo qo‘yish imkoniyatini ko‘rib chiqyapmiz. Mamlakatni boshqarayotganlarga o‘zlari xohlagan narsani qilishga ruxsat berilgani qabul qilinishi mumkin emas", — dedi Vijye.
