Fati faoliyatini Saudiyada davom ettirishi mumkin
Unga bir qancha jamoalar qiziqmoqda.
Joriy mavsumda "Brayton"da ijara asosida o'ynayotgan "Barselona" vingeri Ansu Fati faoliyatini Saudiya Arabistonida davom ettirishi mumkin.
Xabarlarga ko'ra, Saudiya klublari Fatini o'z safiga qo'shib olmoqchi. Qayd etilishicha, manfaatdor tomonlar allaqachon Ansu atrofidagilar bilan ilk muzokaralarni olib borishgan, biroq ispaniyalikning o‘zi faoliyatini Yevropada davom ettirishga qaror qilgan.
2022/2023-yilgi mavsumda Fati "Barselona" safida barcha musobaqalarda 50 ta o'yin o'tkazib, 10 ta gol urdi va 4 ta golli uzatmani amalga oshirgan. Futbolchining Kataloniya klubi bilan shartnomasi 2027-yilning iyun oyi oxirigacha amal qiladi.
