Bir muhabbat tarixi

 

"Barselona" va Argentina terma jamoasi tarixidagi eng yaxshi to'purar hisoblangan Leo Messining unvonlari va mukofotlarining sanog'i yo'q. Mashhur futbolchi o'z muvaffaqiyatining bir qismi sifatida rafiqasi Antonellani biladi. Sababi u futbolchini doimiy qo'llab-quvvatlab keladi.

 

Lionel Antonellani besh yoshidan beri taniydi. Qiz Messining eng yaxshi do'sti Lukas Skaliyaning amakivachchasi edi, Shuning uchun ular bolalikda juda ko'p vaqtini birga o'tkazishardi. 13 yoshida esa Messi o'z orzusiga erishish uchun, ona shahri Rosariodan Barselonaga ko'chib o'tadi.

 

Shundan so'ng Messi va Antonella deyarli muloqot qilishmagan. Leo sport karerasini qurdi, yirik chempionatlarda qatnashdi. Antonella o'sha paytda universitetda o'qishni boshlagan va u yerda bir yigit bilan tanishadi. Hatto ularning to'yi ham rejalashtirilgan edi. Ammo dahshatli avariya oqibatida bo'lajak kuyov vafot etadi. Bundan xabar topgan Messi darhol Antonellaning oldiga keladi va o'shandan keyin ular hech qachon ajralishmagan.

 

Ular uzoq vaqt davomida nikohlarini qonuniylashtirmaydi. 2012-yil noyabr oyida Lionel va Antonella Tiago ismli o'g'il ko'rishadi. Uch yildan so'ng ularning Mateo ismli o'g'li tug'iladi. 2017-yil oktabr oyiga kelibgina futbolchi o'z sevgilisi bilan rasman turmush quradi. Dabdabali to‘yda jahon futboli yulduzlari taklif etiladi.

 

Shu tariqa futbolchi bolalikdagi do'stiga uylandi. U model ham, aktrisa ham emas, shou-biznesga umuman aloqasi bo‘lmagan, shon-shuhratni orzu qilmaydigan oddiy qiz edi.

 

Leo o'z shaxsiy hayoti haqida gapirishni yoqtirmaydi. Uning rafiqasi Antonella erining barcha o'yinlarida qatnashadi va o'g'illarini tez-tez o'yinlarga olib boradi. Messining o'zi esa bunday qo'llab-quvvatlash u uchun juda muhim ekanini bir necha bor tan olgan.

 

Yaqinda futbolchi Amerikaning "Inter Mayami" klubi bilan shartnoma imzoladi va oilasi bilan AQShga ko'chib o'tdi. Avvaliga oila mehmonxonada yashagan, biroq tez orada Messi 11 million dollarga hashamatli uy sotib oldi.

 

Lionelning to‘ng‘ich o‘g‘li allaqachon otasining izidan boryapti. 10 yoshli Tiago mahalliy futbol akademiyasida o'qiydi va o'zining ilk natijalarini ko'rsatmoqda. Messining so'zlariga ko'ra, o'g'illari xarakter jihatidan juda farq qiladi. Shuningdek, Messi rafiqasini maqtashdan charchamaydi, chunki u butun hayotini o'g'illarini tarbiyalashga bag'ishlagan, shifokorlik faoliyatini to'xtatgan.