Para kanoechilarimiz debyut Para Osiyo o‘yinlarida tengsiz bo‘lishdi
Ular bellashuvlarda oltita medal sohibiga aylanishdi.
Hanchjou-2022 Para Osiyo o‘yinlarida para kanoe musobaqalari yakunlandi. E’tiborlisi, ilk bor ishtirok etgan O‘zbekiston para kanoe terma jamoasining barcha 6 nafar a’zosi oltin medalga sazovor bo‘ldi. 100 foizlik natija qayd etgan terma jamoamiz para kanoe dasturida 1-o‘rinni egalladi va delegatsiyamiz hisobiga 6 ta oltin medalni taqdim etdi.
Para kanoe sport turi bo‘yicha ko‘rsatilgan mazkur natija Xitoy hamda Eron mamlakatlarini ortda qoldirib Osiyo mamlakatlari orasida birinchi o‘rinni egallashga zamin yaratdi.
Para kanoe bo‘yicha Hanchjou-2022 Para Osiyo o‘yinlari g‘oliblari:
1.Shahzoda Mamadaliyeva
2.Iroda Rustamova
3.Azizbek Abdulhabibov
4.Hasan Qo‘ldashev
5.Shaxnoza Mirzayeva
6.Haytmurod Sherqo‘ziyev.
