“Real” vitse-prezidenti vafot etdi
U 84 yoshda edi.
Madridning “Real” klubi vitse-prezidenti Fernando Fernandes Tapias 84 yoshida vafot etdi. Bu haqda klub matbuot xizmati xabar berdi.
Fernando Fernandes Tapias 1993-yildan beri "Real"da turli lavozimlarda ishlagan. 2000-yilning 17-iyulidan 2006-yilning 2-iyuliga qadar ispaniyalik tadbirkor va funksioner Madridning “Real” klubi direktorlar kengashi raisi lavozimida ishlagan, 2009-yilning 1-iyunida esa klub tarixidagi birinchi vitse-prezident bo‘lgan.
Fernando Fernandes Tapias "Real Madrid"ga bag'ishlagan vaqt ichida Los Blankos 58 ta chempionlikni qo'lga kiritdi, shu jumladan 6 ta Chempionlar Ligasi. "Real Madrid"ning amaldagi prezidenti Florentino Peres bu lavozimda 2009-yildan beri ishlab kelmoqda.
