Bellingham Madridda hammani hayratga solmoqda
U Zidan va Ronalduning rekordini yangiladi.
Jude Bellingham Yevropada mavsum boshlanishining asosiy kashfiyotlaridan biri. 2023-yilning yozida ingliz futbolchisi Dortmundning "Borussiya" klubidan 103 million yevro + bonuslar evaziga "Real"ga o‘tdi. Yevropaning ko'plab klublari futbolchi uchun kurashdi, lekin u Madridni tanladi. Buning sabablaridan biri Bellinghamning Zinedin Zidanga muhabbati. Transferdan so'ng "Real"ning sobiq futbolchisi va murabbiyi klubni mazkur kelishuv bilan tabrikladi:
"Jude Bellingham kelajakdagi muhim futbolchisi. U "Real"da o'ynashga tayyor. Men u bilan JCh-2022 finalida tanishganman va biroz suhbatlashdik. Umid qilamanki, u ajoyib martabaga erishadi”.
Jude Bellingham
"Real Madrid" yarim himoyachisi:
“Men Zidanga, uning klubda amalga oshirgan ishlariga qoyil qolganman. Bu raqam meni ilhomlantiradi. 22 uzoq vaqtdan beri mening raqamim edi, lekin endi men beshinchi raqamda o'ynayapman. "Real Madrid" libosining o'zi katta mas'uliyatni anglatadi. Bu meni noqulay ahvolga solib qo'yishi mumkin, lekin men doimo Zidanni qadrlaganman, u men uchun eng zo'r futbolchi edi. Umid qilamanki, men u qo'lga kiritgan yutuqlarni takrorlay olaman".
Zidan 2001-yilning yozida "Yuventus"dan "Real"ga 77,5 million yevro evaziga o'tgan edi. Bu transfer Madridga Bellinghamning transferidan ko'proq qimmatga tushdi. Shu bilan birga, Zidandan umidlar kattaroq edi. O'sha vaqtda Zinedin dunyoning eng yaxshi o'yinchilaridan biri hisoblanardi va o'sha paytga qadar "Oltin to'p" sohibi bo'lgan edi (1998).
Zidanning "Real Madrid"dagi dastlabki 10 o'yini Superkubok, Kubok va Ispaniya chempionatidagi o'yinlariga to'g'ri kelgan. Qizig'i shundaki, fransiyalik futbolchi Chempionlar ligasi o'yinlarida maydonga tusha olmaydi. Ispaniya Superkubogida "Real" "Saragosa" bilan to'qnash keladi. Dastlabki o‘yinda jamoalar 1:1 hisobida durang o‘ynashdi. Zidan golli uzatmani amalga oshiradi. Javob o‘yinida “Real” 3:0 hisobida g‘alaba qozonib, kubokni qo‘lga kiritadi, biroq Zinedin birorta ham gol ura olmaydi. Undan keyin oltita chempionat o‘yinlari bo‘lib o‘tadi. "Valensiya" (0:1) va "Malaga" (1:1) bilan o'yinlarda yarim himoyachi gol urolmagan bo'lsa-da, keyin to'rtta o'yinda golli seriyani qayd etadi. Zidan “Betis” (1:3), “Espanyol” (5:1), “Valyadolid” (2:2) va “Las-Palmas” (2:4) klublarini bir martadan ranjitadi. Shu tariqa u olti turda to'rtta gol urishga erishadi.
Umuman olganda, 2001/2002-yilgi mavsumda u 49 ta o'yin o'tkazib, 27 (12+15) ochko jamg'argan. Chempionlar ligasi finalida "Bayer"ga qarshi o'yinda ajoyib namoyish etgan.
Ajablanarlisi, Judening statistikasi Zidannikidan ancha yaxshi. 10 ta o'yinda ingliz futbolchisi allaqachon 10 ta gol urdi va 3 ta golli uzatmani amalga oshirdi. Chempionatda Bellingham maydonga tushgan sakkiz uchrashuvning oltitasida gol urdi va “Almeriya” va “Osasuna”ga qarshi o'yinlarda dubl qayd etdi. Jude, shuningdek, Chempionlar ligasida "Union" (1:0) va "Napoli" (3:2) bilan o'yinlarda bittadan gol urdi.
Yozda "Real Madrid" yuqori darajadagi markaziy hujumchi bilan shartnoma imzolay olmadi. Kilian Mbappe "PSJ"da, Viktor Osimhen "Napoli"da, Harri Keyn "Bavariya"ga va Randal Kolo Muani "PSJ"da qoldi. Natijada aynan Bellingem asosiy futbolchiga aylandi. La Liganing 9-turidan o'rin olgan "Osasuna" bilan o'yin (4:0) yakunlariga ko'ra, ingliz futbolchisi hatto Krishtianu Ronalduning rekordini ham yangiladi. "Real Madrid" uchun o'nta o'yinda 10 ta gol va 3 ta golli uzatma - bu portugaliyalikning boshlang'ich 10 o'yindagi (10+1) ko'rsatkichidan yuqoriroq. Shu bilan birga madridliklar bosh murabbiyi Karlo Anchelotti Bellingham forvard emasligini, uning vazifasi gol urish emasligini aytdi.
"Real Madrid" Jude kabi ajoyib futbolchi bilan shartnoma imzolashga muvaffaq bo'ldi. Biz bundan juda xursandmiz. U bu daqiqani xotirjam his qiladi. Hamma Bellingham markaz hujumchisi emasligini tushunadi. Uning vazifasi gol urish emas. U pleymeyker, o'rtadagi o'yinchi. Vaqti kelib, uning vazifasi boshqacha bo'ladi”.
