Ronaldu va Messisiz o'tgan eng qiziqarli beshta "El-Klasiko"
O'yinlar har xil yillarda bo'lib o'tgan.
Uzoq vaqt davomida "Real" va "Barselona" o'rtasidagi raqobat Krishtianu Ronaldu va Lionel Messi bilan bog'liq edi. Vaholanki, so'nggi yillarda klasikolar bu buyuk futbolchilar ishtirokisiz o'tmoqda. "Real" va "Barsa" o'rtasidagi Messi va Ronaldusiz o'tgan unutilmas o'yinlarni eslash vaqti keldi.
"Real Madrid" - "Barselona" - 11:1, 1943-yil
1943-yilgacha "Real" va "Barselona" o'rtasida hech qanday shiddatli raqobat bo'lmagan. Sobiq Ispaniya kubogi yarim finalida esa hammasi o'zgardi. Qur'a natijasida ikkala jamoa ham yarim finalga olib chiqadi. Kataloniyaliklar o'z uylarida raqiblarini mag'lub etishadi, ammo madridliklar o'yin "Les Korts" stadionida bo'lganidan norozi bo'lishadi. Tribunadan "Real Madrid" futbolchilariga nisbatan doimiy haqorat bo'lib turardi. Madrid gazetalari raqibni hakamlarga pora berishda va muxlislarning vahshiylikda ayblaydi.
Oradan bir hafta o‘tib Madridda “Barselona” avtobusi toshbo‘ron qilinadi va stadiondagi muxlislarga o‘yin davomida ishlatishga maxsus hushtaklar beriladi. Shu tariqa, o'yin davomida kataloniyaliklarga doimiy tazyiq bo'ladi va 1943-yilgi "Klasiko"da 'Barsa" eng og'ir mag'lubiyatni qabul qilib oladi.
"Barselona" - "Real Madrid" - 5:0, 1994-yil
O'shanda “Kamp Nou”da hamma raqib ustidan g‘alaba qozonishni kutgandi, ammo bunday muvaffaqiyatli natijaga hech kim ishonmasdi. Biroq, Yoxan Kroyff shogirdlari madridlik mehmonlarni shunchaki oyoq osti qilishadi. Uchrashuvning asosiy qahramoni Romario bo'ladi.
Braziliyalik futbolchi o'sha mavsumda 30 ta gol uradi va La Ligada mavsum to'purarlari ro'yxatida birinchi o'rinni egallaydi. Shuningdek, uning jamoasi chempionlik unvonini qo'lga kiritadi.
"Real Madrid" - "Barselona" - 5:0, 1995-yil
Esda qolarli o'yindan bir yil o'tib Madrid klubi xuddi shunday hisobda revansh oladi. Bu yerda ham xet-trik qayd etiladi va Ivan Zamorano ularga mualliflik qiladi. Aytgancha, chililik futbolchiga bu natijaga erishish uchun bor-yo'g'i 39 daqiqa vaqt kerak bo'ladi. Shuningdek, mavsum yakunida Zamorano La Liganing eng yaxshi to'purariga aylanadi, "Real" esa "Barsa"ning gegemonligini sindirib, chempionlik unvonini qo'lga kiritadi.
"Real Madrid" - "Barselona" - 2:3, 1997-yil
1997-yilda "Real Madrid" dunyoning eng yaxshi klubi deb atalgan, "Barselona" esa ishonchsiz o'yinlar namoyish etardi. Kataloniyaliklarga Ispaniya chempionatida omad kulib boqadi, ammo Chempionlar ligasida ular butunlay muvaffaqiyatsizlikka uchraydi. Lui van Gal shogirdlari Kiyevning “Dinamo”, PSV va “Nyukasl” klublari bilan guruhda so‘nggi o‘rinni egallaydi. "Real" esa o'z navbatida chempionatda g'alaba qozonadi va pley-offga oson yo'l oladi.
Mazkur bahs oldidan mutaxassislar “Real”ning yirik hisobdagi g‘alabasini ham kutishgan edi. Aslida, hamma narsa boshqacha bo'lib chiqdi. Madrid klubi ustunlikka ega bo'ldi va raqib butun o'yin davomida bor yo'g'i to'rtta zarbani amalga oshirdi. Ammo ulardan uchtasi samarali bo'lib chiqdi. O‘yin oldidan Van Gal durang natija uchun ham qanoatlanayotganini tan oldi, ammo reja ortig‘i bilan bajariladi. "Barsa" ikki marta Rivaldo va Luis Enrikening gollari evaziga oldinga chiqib oladi, "Real" esa Raul va Davor Shukerning gollari bilan javob qaytaradi.
Madridliklar so'nggi daqiqalarda qarshi hujumni o'tkazib yuborishadi. Ikkinchi golli uzatmani Luish Figu amalga oshiradi, Jovanni esa bo'sh darvozaga zarba beradi. Braziliyalik futbolchi bu golni juda hissiyotlar bilan nishonlaydi. Mavsum yakunida “Barsa” Ispaniya chempioniga aylanadi, poytaxt klubi esa Chempionlar ligasida g‘olib chiqqan.
"Barselona" - "Real Madrid" - 2:0, 2000-yil
Luish Figu "Real Madrid"ga o'tganidan keyin "Kamp Nou"dagi birinchi o'yini. Portugaliyalik futbolchi Barselonada besh yil o'tkazadi, muxlislar kumiriga aylanadi va 2000-yilda Madrid klubi safiga kelib qo'shiladi. Kataloniya jamoasi muxlislari bu harakatni mutlaqo xiyonat deb bilishgan.
"Real Madrid" futbolchilari bo'lgan avtobus stadionga yaqinlashganda, politsiya maxsus yo'lak yaratishadi. Biroq, bu kataloniyalik muxlislarning mashinaga shisha va boshqa narsalarni uloqtirishiga to'sqinlik qilmaydi. Madridning “Real” klubi himoyachisi Fernando Yerro sodir bo‘layotgan hodisani sharmandalik deb ataydi va muxlislarni tinchlanishga chaqiradi. Ammo ular tinchlanmaydi va Figu maydon chetiga yaqinlashgan zahoti unga qarab narsalarni uloqtirishadi.
Yakunda "Barsa" 2:0 hisobida g'alaba qozonadi, ammo "Real" mavsum oxirida chempion bo'ladi. Figu esa dunyoning eng yaxshi futbolchisi sifatida etirof etiladi.
