Hindistonda ikkita poyezd to‘qnashib ketdi
Qurbonlar va jabrlanganlar bor.
Hindistonda 13 kishi poyezd halokati qurboni bo‘ldi, yana 18 kishi jarohat oldi va kasalxonaga yotqizildi.
Halokat Andxra-Pradesh shtatida yuz bergan. Yo‘lda ketayotgan poyezd boshqa biri bilan to‘qnashib ketgan.
Bosh vazir Narendra Modi voqeani temiryo‘l vaziri Ashvini Vaishnav bilan muhokama qildi.
“Hokimiyat jabrlanganlarga har tomonlama yordam ko‘rsatmoqda. Bosh vazir halok bo‘lganlarning oila aʼzolariga hamdardlik bildiradi va jabrlanganlarning tezroq sog‘ayib ketishini tilaydi”, — deb yozdi hukumat rahbari ijtimoiy tarmoqlarda.
Jabrlanganlar mahalliy shifoxonalarga yetkazilgan va ularga barcha zarur tibbiy yordam ko‘rsatilmoqda.
