Luis Suares "Inter Mayami"ga o'tadi
U yana Messi bilan bir jamoada o'ynaydi.
"Gremio"ning urugvaylik hujumchisi Luis Suares kelasi yili "Inter Mayami"ga o'tadi.
Urugvaylik hujumchi dekabr oyida Braziliya A Seriyasi yakunlangandan so'ng hozirgi jamoasini tark etadi. Shundan so'ng u "Barselona"dagi sobiq jamoadoshlari Lionel Messi, Serxio Buskets va Xordi Alba bilan Amerikaning "Inter Mayami" klubida uchrashishga tayyor.
Xabar qilinishicha, Suares "Inter Mayami" rasmiylari bilan elektron pochta xabarlarini almashgan va dastlab unga bir yillik shartnoma taklif qilinadi. Bundan tashqari, shartnoma shartlariga qarab uzaytirilishi mumkin. Yanvar oyida 37 yoshga to'ladigan yulduz futbolchi erkin agentga aylanganidan so'ng dekabr oyida Mayamiga yo'l olishi kutilmoqda.
