Toshkentning ikkita tumani "svet"siz qoldi
Bu haqda "Hududiy elektr tarmoqlari" AJ ma'lum qildi.
Bugun, 4-noyabr kuni Toshkent shahrining Olmazor hamda Yunusobod tumanlarining ayrim hududlarida elektr energiyasi soat tonggi 05:00 dan 18:00 ga qadar vaqtinchalik o‘chirildi.
Toshkent shahrining Olmazor hamda Yunusobod tumanlarining ayrim hududlarini elektr energiyasi bilan taminlovchi 110/35/10 kV bolgan yuqori kuchlanishli «Yunusobod» podstansiyasidagi mavjud 40 000 kVA bolgan transformator quvvati 63 000 kVA bolgan yuqori kuchlanishli yangi transformatorga almashtirish, elektr qurilmalarini o'rnatish ishlari olib borilishi hamda ushbu ishlarni xavfsiz bajarish maqsadida hududdagi 110/10/6 kVli «Beshqo‘rg‘on» va 110/6 kVli L-DOK-1 va L-DOK-2 DOK, 110/6 kVli «Zenit» podstansiyalari vaqtincha o'chirildi.
OLMAZOR tumanidagi - 21-sonli oilaviy poliklinika, ATS-248, Ruhiy kasalliklar shifoxonasi, Teri – dermatovenerologiya dispanseri, maktab, tadbirkorlik subyektlari.
YUNUSOBOD tumanidagi - 6, 7, 8 va 9-dahalari, «Islomobod», «Tiklanish», «Hasanboy», «Katta Hasanboy», «Registon», «Ittifoq», «Ahrorobod» MFYlarida va «Hasanboy» mavzesida hamda «Korzinka» savdo kompleksi.
«Hududiy elektr tarmoqlari» AJ Toshkent shahar filiali mazkur ta’mirlash ishlari tufayli elektr energiyasi ta’minotidagi vaqtincha uzilishlar sababli iste’molchilardan uzr so‘raydi, deyiladi xabarda.
