Poytaxtda bir qator markaziy ko‘chalar yopiladi
Sammit munosabati bilan avtobus yo‘nalishlarining faoliyatiga o‘zgartirishlar kiritiladi.
Toshkentdagi ayrim avtobus yo‘nalishlarining faoliyatiga o‘zgartirishlar kiritiladi. Bu haqda Transport vazirligi xabar qildi.
Qayd etilishicha, Toshkent shahrida Iqtisodiy hamkorlik tashkilotining 16-sammitini o‘tkazish ishlari doirasida 8−10 noyabr kunlari ayrim ko‘cha yo‘l tarmoqlarida avtomobillar harakati cheklanadi. Shu sababli, avtobus yo‘nalishlarining faoliyatiga quyidagicha o‘zgartirishlar kiritiladi.
Islom Karimov ko‘chasining Furqat ko‘chasidan Olmazor ko‘chasigacha bo‘lgan qismi avtomobillar harakati uchun to‘liq yopilishi sababli, ushbu manzil orqali harakatlanuvchi:
- 51-sonli yo‘nalish harakati I.Karimov ko‘chasidan Afrosiyob, Beshyog‘och, Furqat ko‘chalari orqali vaqtinchalik o‘zgartiriladi;
- 141-sonli yo‘nalish harakati Qoratosh ko‘chasidan Furqat, A.Navoiy, Olmazor ko‘chalari orqali vaqtinchalik o‘zgartiriladi;
- 196-sonli yo‘nalish harakati Afrosiyob ko‘chasidan Beshyog‘och, Furqat, A.Navoiy ko‘chalari orqali, keyingi harakati o‘z yo‘nalishi bo‘yicha tashkil etiladi.
