AQShning yangi bombardimonchi samolyoti ilk parvozini amalga oshirdi
B-21 Raider yadro qurolini olib yurishga qodir.
AQSh Harbiy-havo kuchlarining eng yangi yashirin bombardimonchi samolyoti, yadro qurolini olib yurishga qodir B-21 Raider birinchi parvozini amalga oshirdi. Bu haqda Reuters xabar berdi.
U Kaliforniyadagi Northrop Grumman obyektlaridan biridan havoga ko‘tarilgan. B-21'ning parvoz vaqti haqida hozircha ma'lumot berilmagan.
O‘zidan oldingi B-2 kabi qanot dizayniga ega bo‘lgan B-21 havoda yonilg‘i quyish imkoniyatlaridan foydalangan holda uzoq masofaga ham oddiy, ham yadroviy qurollarni dunyo bo‘ylab yetkazib bera oladi.
Nashrning yozishicha, har bir samolyotning narxi taxminan 750 million dollarni tashkil etadi.
