HAMAS va Isroil garovdagilarni almashishga kelishdi
Kelishuvga ko‘ra, faqat ayollar va bolalar almashiladi.
Yaqin Sharqdagi mojaro tomonlari Isroil qamoqxonalaridagi 100 nafar falastinlik ayol va bolani bir xil miqdordagi HAMAS garovga olinganlarga almashtirish bo‘yicha kelishuvga erishdi.
Ayirboshlash muddati aniqlanmagan. Bu kelishuvlarga erishishda vositachilar bor-yo‘qligi ham nomaʼlum, deb xabar beradi Al Hadath telekanali.
Isroil tomoniga ko‘ra, HAMAS hozirda 200 dan ortiq odamni, jumladan xorijliklar va Isroil askarlarini garovda ushlab turibdi. Avvalroq HAMAS siyosiy byurosi rahbari Ismoil Haniya Isroil qamoqxonalarida olti mingga yaqin falastinlik borligi haqida xabar bergan edi.
