G‘azoda BMTning 100 nafardan ortiq xodimi halok bo‘ldi — UNRWA

 

G‘azo sektorida Birlashgan Millatlar Tashkilotining falastinlik qochqinlarga yordam ko‘rsatish agentligi (UNRWA)ning bir yuz sakkiz xodimi halok bo‘lgan. Bu haqda UNRWA Bosh komissari Filipp Lazarini maʼlum qildi.

 

“UNRWAning 108 nafar xodimi o‘ldirilgani tasdiqlandi. Men Bosh komissar sifatida o‘z xodimlarim uchun xotira xizmatlarini oldindan rejalashtirishimga hech qachon ishonmagan edim. Bu davom etmasligi kerak”, — deb yozdi u X ijtimoiy tarmog‘idagi (sobiq Twitter) sahifasida.

 

Yaqin Sharqdagi vaziyat 7 oktabr kuni G‘azo sektoridan Isroilga Falastinning HAMAS harakati jangarilarining kirib kelishi, Isroil bilan chegaradosh hududlar aholisining o‘ldirilishi va 200 nafardan ortiq, jumladan, bolalar, ayollar va qariyalarning garovga olin olinishi bilan birga keskin yomonlashdi.

 

HAMAS hujumni Isroilning Quddusdagi Al-Aqso masjidiga qarshi harakatlariga javob deb atadi.

 

Shundan so‘ng Isroil Bosh vaziri Binyamin Netanyaxu mamlakat urush holatida ekanini eʼlon qildi. Mamlakat mudofaa kuchlarining javob operatsiyasi “Temir qilichlar” deb ataldi va uning maqsadi HAMASni yo‘q qilish hisoblanadi.

 

So‘nggi maʼlumotlarga ko‘ra, Isroil tomonida 1,4 mingdan ortiq odam mojaro qurboni bo‘lgan, 5,2 mingdan ortiq kishi jarohatlangan.

 

Isroilning G‘azoga bergan zarbalari natijasida, anklav Sog‘liqni saqlash vazirligi maʼlumotlariga ko‘ra, 7 mingdan ortiq falastinlik halok bo‘lgan va qariyb 18,5 ming kishi yaralangan.