Ilon Mask Isroilga yetib keldi
U Tel-Avivga safarini shaxsiy samolyotda amalga oshirdi.
Amerikalik tadbirkor, Tesla va SpaceX asoschisi, X (sobiq Twitter) ijtimoiy tarmog‘i egasi Ilon Mask Isroilga yetib keldi.
Ilon Mask Tel-Avivga shaxsiy samolyotda yetib keldi. Uning Isroil prezidenti Isxak Gersog, Bosh vazir Binyamin Netanyaxu bilan uchrashishi, shuningdek, G‘azo sektori chegarasi yaqinidagi Isroil qishloqlariga tashrif buyurishi kutilmoqda.
Mask avvalroq X ijtimoiy tarmog‘idagi antisemitistik postlar tufayli tanqid qilingan edi. So‘nggi haftalarda Mask X platformasida antisemitizm va natsistlarga oid postlari tufayli tanqid ostiga olindi. Xususan, u fitna nazariyasi tarafdorining yahudiy hamjamoalarini «oq tanlilarga nisbatan nafrat» tarqatishda ayblagan, shuningdek, antisemitizmga qarshi kurashuvchi Amerika yahudiylari tashkiloti - Antidiffamatsion liga «de-fakto oq tanlilarga qarshi irqchilik, osiyoliklarga qarshi irqchilik yoki har qanday irqchilikni targ‘ib qilishi» haqida yozgan tvitini qo‘llab-quvvatlagan.
Bundan tashqari, Media Matters notijorat tashkiloti Apple, Oracle va IBM reklamalariga eʼtibor qaratdi, ular X‘da Hitler va natsizmni maqtagan postlar yonida ko‘rsatilgan. Natijada, shu va boshqa baʼzi kompaniyalar Maskning ijtimoiy tarmog‘idagi reklamalarini to‘xtatishga qaror qildi
Eslatib o‘tamiz, hozirda Qatar vositachiligida erishilgan to‘rt kunlik sulh doirasida Isroil va HAMAS o‘rtasida asirlar almashinuvi bo‘lib o‘tmoqda.
