Ikki nemis Saudiyaga o'tishi mumkin
Muzokaralar boshlanish arafasida.
Dortmundning “Borussiya” klubi futbolchilari Mats Xummels va Marko Roys mavsum yakunida nemis klubini tark etishadi.
Jurnalist Ekrem Konurning ijtimoiy tarmoqlarda yozishicha, Roys va Xummels Saudiya Arabistoni chempionatida faoliyatini davom ettirishi mumkin.
Eslatib o‘tamiz, uzoq muzokaralardan so‘ng joriy yilning aprel oyida Dortmundning “Borussiya” klubi va Marko Roys hamkorlikni 2024-yilgacha uzaytirishga kelishib olgan edi. Joriy mavsumda 34 yoshli futbolchi barcha turnirlar doirasida 16 ta o‘yinda ishtirok etib, 4 ta gol urdi va 2 ta golli uzatmani amalga oshirdi.
Hummels "Bavariya" tarbiyalanuvchisi hisoblanadi. U 2008-yildan 2016-yilgacha "Borussiya"da o'ynagan.
Ayni vaqtda Germaniya Bundesligasida o‘tkazilgan 12 uchrashuvdan so‘ng Dortmundning “Borussiya” klubi 24 ochko bilan to‘rtinchi o‘rinda bormoqda.
