Sayyoradagi eng keksa toshbaqa 191 yoshga kirdi
Buyuk Britaniyadagi orollarning birida yashovchi Jonatan ismli jonivor tarixdagi eng keksa toshbaqa hisoblanadi.
Muqaddas Yelena (Buyuk Britaniya) orolida yashovchi Jonatan ismli ulkan toshbaqa hayotining 191 yilligini nishonladi. U tarixdagi eng keksa toshbaqa hisoblanadi.
Olimlarning fikriga ko‘ra, Jonatan taxminan 1832 yilda tug‘ilgan. Gap shundaki u 1882 yilda Seyshel orollaridan Muqaddas Yelenaga olib kelinganida to‘liq yetuk edi, yaʼni ular 50 yoshida ana shunday yetuk bo‘ladi. Hattoki o‘sha payti u 50 yoshdan ham kattaroq bo‘lgan bo‘lishi mumkin. Bunday toshbaqalarning o‘rtacha umri 150 yil.
Ko‘p yillar davomida bu toshbaqani kuzatayotgan veterinar Jo Xollinzning aytishicha, Jonatanda “sekinlashuv” belgilari yo‘q. Toshbaqa hidni yo‘qotgan va katarakta bo‘lsada ko‘zlari ko‘radi, ammo uning ishtahasi aʼlo. Toshbaqaning ozuqasi vitaminlarga boy meva va sabzavotlarni o‘z ichiga oladi. Sevimli ovqatlari karam, bodring, sabzi, olma va boshqa mavsumiy mevalar. U, ayniqsa, bananlarni yaxshi ko‘radi, garchi ular og‘ziga yopishsa ham. U issiq kunlarda quyoshda toblanishni yaxshi ko‘radi, panjalarini qobig‘idan chiqarib yotadi, juda issiqda esa soyaga yashirinadi. Qishning sovuq kunlarida u o‘zini barglar yoki o‘rilgan o‘tlarga ko‘mib, kun bo‘yi yotadi.
"Jonatanning sog‘lig‘i yaxshi va hozirda barcha belgilar bizni uchinchi asrgacha yashashiga umid qilmoqda, balki uch asrni ko‘rishga ham ulgurgandir", — deydi zoologlar.
Jonatan yana uchta ulkan toshbaqa bilan yashaydi – 1969 yilda orolga kelgan va taxminan 55 yoshda bo‘lgan Devid va Emma hamda 1991 yilda keltirilgan 32 yoshga kirgan Frederik.
